← Home https://jayabherinews.com/ · E-Paper Back to article
🏠 Home
Date of Publish : 19 November 2026, 10:07 PMPosted by : [email protected]

యాదాద్రి ఆలయంలో టెంట్ కూలి 10 మందికి గాయాలు

జయభేరీ, యాదగిరిగుట్ట, నవంబర్ 19:

కార్తీకోత్స‌వం వేళా యాద‌గిరిగుట్ట శ్రీ‌ల‌క్ష్మీ న‌ర‌సింహ స్వామి వారి ఆల‌యంలో అప‌శృతి చోటు చేసుకుంది. కార్తీకోత్స‌వం కోసం ఏర్పాటు చేస్తున్న వైట్ పెండ‌ల్ టెంట్ ప్ర‌మాద‌వ‌శాత్తు కూల‌డంతో దాదాపు 10 మంది భ‌క్తుల‌కు స్వలంగా గాయాల‌య్యాయి. కార్తీక‌మాసం సంద‌ర్భంగా యాదగిరిగుట్ట దేవ‌స్థానం ఆధ్వ‌ర్యంలో పెండ‌ల్ టెంట్లు వేస్తుండ‌గా గురువారం ఒక్క‌సారిగా బ‌ల‌మైన గాలి వీయ‌డంతో టెంట్ కోసం ఏర్పాటు చేసిన పైప్‌లు భ‌క్తుల మీద ప‌డ్డాయి.  గాయబడిన భక్తులను చికిత్స కోసం భువ‌న‌గిరి ఏరియా ఆస్ప‌త్రికి త‌ర‌లించారు. అయితే టెంట్ నిర్మాణ ప‌నుల స‌మ‌యంలో అధికారులు నిర్ల‌క్ష్యం వ‌హించారని భక్తులు ఆరోపించారు. ప‌నులు జ‌రుగుతున్న ప్ర‌దేశంలో భ‌క్తులు అధిక సంఖ్య‌లో ఉన్నా అక్కడ ఎవ్వరు అధికారులు కానీ, ఆల‌య అధికారి పాటు ఎస్పీఎఫ్ సిబ్బంది కానీ లేరని, ఎలాంటి హెచ్చరికలు చేయలేదని పేర్కొన్నారు. ప‌నులు జ‌రుగుతుంటే క‌నీసం ఆ ప్ర‌దేశంలోకి వెళ్లొద్ద‌ని భ‌క్తుల‌కు సూచ‌న‌లు కూడా చేయలేదని మండ్డిపడ్డారు.

jayabheridaily.com
👁 2 clip views📰 Share Epaper Clip