దేవరకొండ, అక్టోబర్29 : ఉపాధ్యాయ వృత్తి ఎంతో పవిత్రమైనదని, విద్యార్థులకు తీర్చిదిద్దడంలో ఉపాధ్యాయుల కృషి మరువలేనిదని దేవరకొండ ప్రభుత్వ ఉన్నత పాఠశాల గెజిటెడ్ హెడ్మాస్టర్ తైలం మంజుల సహాదేవ్ అన్నారు.
మంగళవారం పట్టణంలోని గౌట్ హైస్కూల్లో ఏర్పాటు చేసిన గెజిటెడ్ హెడ్ మాస్టర్ మంజుల సహాదేవ్ ఉద్యోగ పదవి విరమణ సన్మాన మహోత్సవ కార్యక్రమంలో పలువురు ప్రధానోపాధ్యాయులు ముఖ్యఅతిథిగా పాల్గొన్నారు. ఈ సందర్భంగా వారికీ అతిధులు శాలువాతో సత్కరించి, శుభాకాంక్షలు తెలిపారు.ఈ సందర్భంగా ఇన్చార్జి హెచ్ఎం పందిరి నరసింహారెడ్డి, పిఆర్టియు రాష్ట్ర అసోసియేట్ అధ్యక్షులు ఎం. నారాయణ సింగ్ మాట్లాడుతూ.. మంజుల గత 29 సంవత్సరాలుగా ఉపాధ్యాయ వృత్తిలో అంకితభావంతో పనిచేస్తూ ఎందరో విద్యార్థులను భావి భారత పౌరులుగా తీర్చిదిద్దారని అన్నారు.
ఉపాధ్యాయ వృత్తి దేశ నిర్మాణానికి తోడ్పడుతుందని, ఉపాధ్యాయులు మొత్తం సమాజానికి బాధ్యత వహిస్తారని అన్నారు.
బాల బాలికలను భావిభారతలుగా తీర్చిదిద్దే బృహత్తర బాధ్యత ఉపాధ్యాయులపై ఉంటుందని అన్నారు. ఈ సందర్భంగా మంజుల సహాదేవ్ మాట్లాడుతూ ఉపాధ్యాయులు ఏ పాఠశాలకు వెళ్లిన సమయపాలన పాటిస్తూ అంకితభావంతో విధులు నిర్వహించాలని, ఉత్తమ విద్యా బోధనతోనే ఉపాధ్యాయులకు ప్రత్యేక గుర్తింపు పొందుతారని, పాఠశాలల బలోపేతానికి కృషి చేయాలని అన్నారు.
.jpeg1.jpg)
.jpeg)
.jpeg)
Post Comment