అత్యంత రద్దీగా ఉండే మార్గాల్లో రైలు ప్రయాణం చుక్కలు చూపిస్తుంది. రిజర్వేషన్ బోగీల్లో కూడా జనం ఏక్కేసి సీట్లను ఆక్రమించుకుంటారు. పండగల సమయంలో అయితే ఎంత చెప్పుకున్నా తక్కువే. ఇక, జనరల్ బోగీల్లో కాలుపెట్టడానికి కూడా ఖాళీ ఉండదు. కానీ, కొందరు ఏకంగా ఏసీ కోచ్ల్లోకి ఎక్కేసి.. సీటు రిజర్వు చేసుకున్నవారిని సైతం పక్కకు నెట్టేస్తారు. తాజాగా, ఢిల్లీ నుంచి ఉదయ్పూర్ వెళ్లే ఎక్స్ప్రెస్ రైళ్లో ఓ ప్రయాణికురాలికి ఇలాంటి అనుభవం ఎదురయ్యింది.

‘ఇది రైళ్లలో దుస్థితి.. థర్డ్ ఏసీ పరిస్థితులు ఇంత దారుణంగా తయారయ్యాయి.. జనరల్ బోగీల్లో ప్రయాణిస్తున్నట్లు ఇలా ఇబ్బందులు పడుతూ ఏసీ కోసం మనం ఎందుకు డబ్బు చెల్లించాలి.. పెద్ద మొత్తంలో డబ్బులు పోసి టికెట్ కొన్నా కూర్చోవడానికి కూడా ఇందులో చోటు లేదు’ అని ఆమె వాపోయారు. రైల్వే మంత్రి అశ్విని , ప్రధాని మోదీ, రైల్వే విభాగానికి ఈ ట్వీట్ను ట్యాగ్ చేశారు.

ఏసీ త్రీ-టైర్ కోచ్ ఇరుకైన స్థలంలో చాలామంది ప్రయాణికులు నిలబడి ఉండటం ప్రయాణికురాలు షేర్ చేసిన ఫోటో కనిపిస్తోంది. అలాగే, అలసిపోయిన ఓ వ్యక్తి తన చేతిని ఆసరాగా పెట్టుకుని నిద్రపోతున్నాడు. ఈ పోస్ట్ సోషల్ మీడియాలో వైరల్ అవుతోంది. ఈ పోస్ట్కు 2.1 మిలియన్ వ్యూస్ మార్చి 19 రాత్రి 9 గంటలకు చేసిన వచ్చాయి. ఈ ఫోటోను చూసిన నెటిజన్లు అసహనం వ్యక్తం చేస్తున్నారు. ఫొటోలోని ఫ్యాన్ను ఓ నెటిజన్ స్పందిస్తూ.. చూపుతూ మీరు నిజంగానే ఏసీ బోగీలో ఉన్నారా? అని ప్రశ్నించారు. తన కోచ్లోని పెద్ద ఏసీ కిటికీకి సంబంధించిన ఫోటోను ఆమె సమాధానంగా షేర్ చేశారు.

మరో నెటిజన్ వ్యంగ్యంగా ఇది థర్డ్ క్లాస్ స్లీపర్ బోగి ఏసీ కాదు అని కామెంట్ పెట్టాడు. ‘సామాన్యులు ప్రయాణించే రైళ్లలో కనీస సౌకర్యాలను కల్పించకుండా వందేభారత్, బుల్లెట్ ట్రైన్లను ప్రజలకు అందించడంలో బిజీగా ఉన్నారు.. ప్రతిరోజూ ప్రయాణికులు ఇలాంటి ఫిర్యాదులు చేస్తారు.. కానీ ఏం లాభం లేదు అని’ మరొకరు వ్యాఖ్యానించారు.మేము మంచి రైలు ప్రయాణ అనుభవాన్ని ఎప్పుడు పొందగలం?  ‘అశ్విని వైష్ణవ్ సార్,  మీరు, మీ ప్రభుత్వం చాలా గొప్ప పనులు చేస్తున్నారు.. అలాగే ఈ సమస్యను కూడా పరిష్కరించాలి’ అని మరో నెటిజన్ కోరారు. ఈ పోస్ట్ వైరల్ కావడంతో రైల్వే అధికారులు స్పందించారు. సౌకర్యాల మెరుగుదలకు చర్యలు తీసుకుంటామని తెలిపారు. మహిళా ప్రయాణికురాలి పీఎన్ఆర్ నెంబరు, మొబైల్ నెంబరు, చిరునామాతో ఫిర్యాదు చేయాలని సూచించారు.