జయభేరి, దేవరకొండ :
వరుస ఫుడ్ పాయిజన్ ఘటనలు జరుగుతున్నా రేవంత్ సర్కార్  మొద్దునిద్ర వీడడం లేదు అని బిఆర్ఎస్ పార్టీ నల్గొండ జిల్లా అధ్యక్షులు, దేవరకొండ మాజీ శాసన సభ్యులు రమావత్ రవీంద్ర కుమార్  అన్నారు. పీఏపల్లి మోడల్ స్కూల్ హాస్టల్ లో ఫుడ్ పాయిజన్ అయిన విద్యార్థులను దేవరకొండ పట్టణంలోని ప్రభుత్వ ఆసుపత్రిలో విద్యార్థులను మాజీ ఎమ్మెల్యే రవీంద్ర కుమార్ పరామర్శించారు. విద్యార్థుల ఆరోగ్య పరిస్థితిని డాక్టర్లతో అడిగి తెలుకోవడం జరిగింది.

పాలన గాలికొదిలేసి నేరపూరిత నిర్లక్ష్యంతో విద్యార్థులను పొట్టన బెట్టుకుంటున్న ముఖ్యమంత్రి అని అన్నారు.విద్యార్థులు చనిపోతున్నా ఒక్క సమీక్ష కూడా నిర్వహించని ప్రభుత్వానికి ఉసురు తప్పదు అని అన్నారు.సంవత్సరం నుండి తెలంగాణలో విద్యా, సాంఘిక సంక్షేమ శాఖ మంత్రులు లేరు అని అన్నారు.రాష్ట్రంలో  విద్యావ్యవస్థ కుప్పకూలింది అని అన్నారు.కేసీఆర్ హయాంలో విద్యావ్యవస్థ ఆదర్శంగా నిలిచింది అని గుర్తు చేశారు. ఈ కార్యక్రమంలో బిఆర్ఎస్వీ రాష్ట్ర ఉపాధ్యక్షుడు వేముల రాజు, బిఆర్ఎస్వీ నియోజకవర్గ అధ్యక్షుడు బోడ్డుపల్లి కృష్ణ, మాజీ జడ్పీటీసీ బోయపల్లి శ్రీనివాస్ గౌడ్, యువజన విభాగం పట్టణ అధ్యక్షుడు పొట్ట మధు, యువజన విభాగం కొండమల్లెపల్లి మండల అధ్యక్షుడు రమావత్ తులిసిరామ్, ఇలియస్ పటేల్, వాడిత్య బాలు, జమిర్ బాబా, పగిడిమర్రి నాగరాజు, మైనంపల్లి ప్రవీణ్, జానీ, గుండాల వెంకట్, జగన్, తదితరులు ఉన్నారు.