.jpeg)
జయభేరి, సెప్టెంబర్ 30 :
అన్నదాత ముఖాల్లో ఆనందం నింపడానికి కృషి చేసినట్లు డిసిఎంఎస్ వైస్ చైర్మన్, శామీర్ పేట్ వ్యవసాయ సహాకార సంఘం చైర్మన్ డాక్టర్ రామిడి మధుకర్ రెడ్డి అన్నారు. సోమవారం శామీర్ పేట్ మండలంలో వ్యవసాయ సహాకార సంఘం 43వ సాధారణ సమావేశాన్ని నిర్వహించారు. ఈ సందర్భంగా ఆయన మాట్లాడుతు శామీర్ పేట సోసైటిలో రైతుల నుంచి పెద్ద ఎత్తున సభ్యత్వాలను నమోదు చేశామని, నమోదైన రైతుల సభ్యత్వ వాటా ధనం రూ.35.27 లక్షలకు చేరుకుందని అన్నారు.
అలాగే సొసైటిలో విధులు నిర్వహిస్తున్న సిబ్బందికి జీవో 43 ప్రకారం వేతనాలు చెల్లిస్తున్నామని అన్నారు. రైతులకు అందుబాటులో కూరగాయల కలెక్షన్ కేంద్రాన్ని ఏర్పాటు చేశామని రైతులకు మద్దతు ధర కల్పించాలనే ఉద్దేశ్యంతో ఏర్పాటు చేసిన కేంద్రాన్ని రైతులు సద్వినియోగం చేసుకోవాలని సూచించారు. భూసార పరీక్షలు ఎలా నిర్వహించాలి అనే అంశాలపై రైతులకు వివరించారు. ఈ కార్యక్రమంలో సోసైటి వైస్ చైర్మన్ ఐలయ్య, డైరక్టర్లు, రైతుబంధు సమితి మాజి అద్యక్షుడు కమఠం కృష్ణారెడ్డి, కోఆపరేటివ్ జాయింట్ రిజిస్ట్రార్ సురేఖ, డైరక్టర్లు, రైతులు తదితరులు పాల్గొన్నారు.
Post Comment