ఇరాన్, ఇజ్రాయెల్ మధ్య ఉద్రిక్తతలు పెరుగుతున్నాయి. శుక్రవారం తెల్లవారుజామున తమ దేశంలో జరిగిన దాడిపై దర్యాప్తు జరుపుతున్నామని, ఇది ఇజ్రాయెల్‌కు సంబంధించినదనే దానిపై ఇప్పటివరకు ఎటువంటి రుజువు లేదని ఇరాన్ విదేశాంగ మంత్రి అమీరబ్దొల్లాహియా అన్నారు. ఇరాన్‌లో డ్రోన్‌లు గాలిలో టేకాఫ్ అయ్యాయని, కొన్ని మీటర్ల దూరం ప్రయాణించిన తర్వాత వాటిని కాల్చివేసినట్లు వారు తెలిపారు. అవి డ్రోన్‌లు కావు, పిల్లల ఆటవస్తువుల వంటివన్నారు. ఇవి ఇజ్రాయెల్‌కు సంబంధించినవి అనడానికి ఎలాంటి రుజువు లేదని ఆయన అన్నారు. ఈ ఘటనపై మీడియాలో వస్తున్న కథనాలు సరైనవి కావని అన్నారు. ఇజ్రాయెల్ తన ప్రయోజనాలకు వ్యతిరేకంగా ప్రతీకారం తీర్చుకుంటే, ఇరాన్ తదుపరి ప్రతిస్పందన తక్షణమే మరియు గరిష్టంగా ఉంటుందని అమీరాబ్దుల్లాహియా హెచ్చరించారు. సెంట్రల్ ఇరాన్‌లోని ఇస్ఫాహాన్ నగరంపై శుక్రవారం ఉదయం వైమానిక రక్షణ మూడు డ్రోన్‌లను కూల్చివేసినట్లు ఇరాన్ మీడియా మరియు ప్రభుత్వ వర్గాలు తెలిపాయి. స్వల్ప సంఖ్యలో పేలుళ్లు సంభవించినట్లు సమాచారం.

అయితే ఈ దాడులు చొరబాటుదారుల పనే తప్ప ఇజ్రాయెల్ కాదన్నారు. శుక్రవారం ఉదయం ఇస్ఫహాన్ నగరానికి సమీపంలోని ఇరాన్ వైమానిక స్థావరం లక్ష్యంగా దాడి జరిగిన విషయం తెలిసిందే. అయితే ఈ ఘటనపై ఇజ్రాయెల్ స్పందించలేదు. మరోవైపు అమెరికా విదేశాంగ మంత్రి ఆంటోనీ బ్లింకెన్‌ మాట్లాడుతూ.. అమెరికా ఎలాంటి ప్రమాదకర కార్యకలాపాలకు పాల్పడడం లేదన్నారు. ఇజ్రాయెల్, ఇరాన్ మధ్య ఉద్రిక్త పరిస్థితులు కొనసాగుతున్న సంగతి తెలిసిందే. సిరియాలోని తన కాన్సులేట్‌పై ఏప్రిల్ 1న జరిగిన దాడికి ఇరాన్ ఇటీవల ఇజ్రాయెల్‌పై ప్రతీకారం తీర్చుకుంది. 300కు పైగా డ్రోన్లు, క్షిపణులతో దాడి చేసింది. వీటిని ఇజ్రాయెల్ రక్షణ వ్యవస్థ కూల్చివేసింది. దీనిపై స్పందించిన ఇజ్రాయెల్.. సరైన సమయంలో తగిన బదులిస్తామని ప్రకటించిన సంగతి తెలిసిందే.