.jpeg)
జయభేరి, తిరుపతి :
తిరుపతి శ్రీ గోవిందరాజస్వామి వార్షిక బ్రహ్మోత్సవాలు గురువారం ఉదయం 8.15 నుండి 8.40 గంటల మధ్య మిథున లగ్నంలో ధ్వజారోహణంతో వైభవంగా ప్రారంభమయ్యాయి. గరుడ చిత్రంతో కూడిన ధ్వజపటాన్ని మంగళవాయిద్యాలు, వేదపండితుల మంత్రోచ్ఛారణలు, భక్తుల గోవిందనామస్మరణ నడుమ ధ్వజస్తంభంపై ప్రతిష్ఠించారు. అనంతరం శ్రీవారి ఆస్థానం ఘనంగా జరిగింది.
అనంతరం ఉదయం 10.30 గంటలకు శ్రీదేవి, భూదేవి సమేత శ్రీ గోవిందరాజస్వామి ఉత్స‌వ‌ర్ల‌కు వైభవంగా స్న‌ప‌న తిరుమంజ‌నం నిర్వహించారు. ఇందులో పాలు, పెరుగు, తేనె, కొబ్బరి నీళ్ళు, పసుపు, చందనంల‌తో అభిషేకం చేశారు. ఊంజ‌ల్ సేవ సాయంత్రం 5.30 నుండి 6 గంటల వ‌ర‌కు, పెద్దశేష వాహ‌న సేవ రాత్రి 7 గంటలకు జ‌రుగ‌నున్నాయి.
.jpeg)
ఈ కార్యక్రమంలో తిరుమ‌ల శ్రీశ్రీశ్రీ పెద్ద జీయర్‌స్వామి, శ్రీశ్రీశ్రీ చిన్న జీయర్‌స్వామి, ఎఫ్ ఏ అండ్ సిఏఓ బాలాజీ, సిఈ నాగేశ్వరరావు, ఎస్ ఇ -2 జగదీశ్వర్ రెడ్డి, ఆగమ సలహాదారులు సీతారామాచార్యులు, మోహన రంగాచార్యులు, ఆలయ డెప్యూటీ ఈవో శాంతి, కంకణభట్టార్‌ ఎ.నారాయణ దీక్షితులు, సూపరింటెండెంట్‌ మోహన రావు, టెంపుల్‌ ఇన్‌స్పెక్టర్‌ ధనుంజయులు పాల్గొన్నారు.
Post Comment