జయభేరి, గజ్వేల్, జనవరి 28 :
మై భారత్ - నెహ్రు యువ కేంద్ర సిద్దిపేట ఆధ్వర్యంలో గజ్వేల్ పట్టణం లో గల స్థానిక ఈ హబ్ ప్రభుత్వ డిగ్రీ కళాశాల (బాలురు)లో మాదక ద్రవ్యాల పై నెహ్రూ యువ కేంద్ర సిద్దిపేట జిల్లా యువజన అధికారి ఎం.రంజిత్ రెడ్డి అధ్యక్షతన అవగాహన కార్యక్రమం నిర్వహించడం జరిగినది. 

ప్రభుత్వం చేపట్టిన సమగ్ర చర్యల ప్రణాళిక,అవగాహన కార్యక్రమాలు, చట్టాల అమలు, పునరావాసం వంటి అంశాలపై దృష్టి సారించాలని నషా ముక్త్ భారత్ అభియాన్ జిల్లా కమ్యూనిటీ ఎడ్యూకెటర్ మురళి తెలిపారు. సమస్య పరిష్కారం, నిర్ణయం తీసుకోవడం, ఒత్తిడి నిర్వహణ వంటి జీవన నైపుణ్యాలను నేర్పించడం ద్వారా మత్తుపదార్థాలకు దూరంగా ఉండటానికి సహాయం చేయడం. మత్తుపదార్థాల దుర్వినియోగ నివారణకు సంబంధించిన చట్టపరమైన అంశాల పై యువతకు అవగాహన కలిగి ఉండాలని యెన్. వై.కె  జిల్లా ప్రోగ్రాం అధికారి జి.కిరణ్ కుమార్ సూచించారు. 

మత్తుపదార్థాల ఉత్పత్తి, విక్రయం, వినియోగంపై నియంత్రణలు విధించే చట్టాలు.
మత్తుపదార్థాల దుర్వినియోగానికి పాల్పడిన వారు శిక్షించబడతారని అన్నారు. ఆల్కహాల్ అండ్ మత్తు ఆధారిత పదార్థాలు సేవించి వాహనం నడపడం, హెల్మెట్ లేని ప్రయాణాలు చేయడం, త్రిబుల్ రైడింగ్ వంటి వాటి వల్ల ఎలాంటి ప్రమాదాలు జరుగుతున్నాయి, అనే విషయం విద్యార్థులకు గజ్వేల్ ట్రాఫిక్ సిఐ మురళి  తెలీయ జేశారు. పవన్ డ్రగ్ అబ్యూజ్ పై పవర్ పాయింట్ ప్రజెంటేషన్ చాలా బాగా ఆకట్టుకుంది. సమావేశ అధ్యక్షులు కిరణ్ ముఖ్య అతిథులకు శిల్డ్ బహుకరించి శాలువాతో సన్మానం చేశారు. 

అలాగే కార్యక్రమాన్ని ఉద్దేశించి కళాశాల ఉపాధ్యాయులు మహేందర్ విద్యార్థులతో మాదక ద్రవ్యాల నిరోధక ప్రతిజ్ఞ చేయించారు. ఈ కార్యక్రమంలో గౌరవ అధ్యక్షురాలిగా కళాశాల ప్రిన్సిపల్ డా నిఖత్ అంజుమ్, ముఖ్య అతిథిలుగా సిద్దిపేట ఏరియా ఆసుపత్రి సూపరంటెండెంట్ శాంతి, గజ్వేల్ పట్టణ ట్రాఫిక్ సిఐ మురళి, ఎస్. గణపతి రావు, వైస్  ప్రిన్సిపాల్ జీడీసీ గజ్వేల్, రోటరీ క్లబ్ మెంబర్ చంటి, గజ్వేల్ సి.డబ్ల్యూ.సి సభ్యులు దేశాబోయిన నర్సింహులు, నషా ముక్త్ భారత్ అభియాన్ జిల్లా కమ్యూనిటీ ఎడ్యూకెటర్ మురళి, యువజన సంఘాల ప్రతినిధి రాజు, ఆర్. పి లు నాగరాజు, పవన్ హాజరైనారు.