ఇంటి నుంచి బయటకు వెళ్లిన యువకుడు అదృశ్యం

కేసు నమోదు చేసుకుని దర్యాప్తు చేస్తున్న పోలీసులు

On 27 Aug 2024 06:26:10

ఇంటి నుంచి బయటకు వెళ్లిన యువకుడు అదృశ్యం

జయభేరి, ఆగస్టు 26:- ఇంటి నుంచి బయటకు వెళ్లిన ఓ యువకుడు అదృశ్యమయ్యాడు. ఈ సంఘటన మేడ్చల్ జిల్లా తుంకుంట లో చోటు చేసుకుంది. దూళ్ళ మోహన్ కృష్ణ అనే యువకుడు తన బాబాయి ఇంటి వద్ద ఉంటూ తుంకుంట లోని మోర్ సూపర్ మార్కెట్ లో పనిచేస్తున్నాడు.

కాగా ఈ నెల 21 న మధ్యాహ్న సమయంలో కొంపల్లి లోని విజేత సూపర్ మార్కెట్ కు వెళ్తున్న అని చెప్పి ఇంటి నుంచి వెళ్ళాడు. సాయంత్రం వరకు కూడ ఇంటికి రాకపోవడంతో కుటుంబ సభ్యులు పరిసర ప్రాంతాలలో వెతికారు. అయినా మోహన్ కృష్ణ ఆచూకీ లభ్యం కాకపోవడంతో శామీర్ పేట్ పోలీసులకు ఫిర్యాదు చేశారు. దీంతో పోలీసులు మిస్సింగ్ కేసుగా నమోదు చేసుకుని దర్యాప్తు చేస్తున్నారు. యువకుని ఆచూకీ లభిస్తే పోలిసులకు సమాచారం అందించాలని కోరారు.